Azərbaycan Turizm İnstitutu 30 xarici ali məktəb və 34 beynəlxalq təşkilatla əlaqələr qurmuşdur
Bakı, 16 iyul (AZƏRTAC). Azərbaycan Turizm İnstitutu (ATİ) Avropa İttifaqının Erasmus-Mundus xarici əməkdaşlıq proqramı çərçivəsində 2008-ci ildən Yunanıstan, Fransa, Bolqarıstan, İtaliya, Litva, Portuqaliya, Niderland və s. ölkələrin 16 ali təhsil müəssisəsi ilə əməkdaşlıq əlaqələri yaratmışdır.
Bu barədə AZƏRTAC-a məlumat verən ATİ-nin rektoru, tarix elmləri doktoru Cəfər Cəfərov demişdir ki, ötən müddətdə 9 müəllim və 17 tələbə bu proqramdan yararlanaraq xaricdə təhsil və təcrübəsini artırmışdır. Həmçinin ATİ proqram çərçivəsində 2 müəllim və 4 xarici tələbəni qəbul etmişdir. Ümumiyyətlə, xarici mübadilə proqramları çərçivəsində 2007-ci ildən bu günədək institutumuza 47 müəllim və ekspert dəvət olunmuşdur.
Rektor vurğulamışdır ki, ATİ bu günədək 30 xarici ali məktəb və 34 beynəlxalq təşkilatla əlaqələr qurmuşdur.
Bölmənin digər xəbərləri
