AZƏRBAYCANI AVROPA ÇEMPİONATINDA ÜÇ GİMNAST TƏMSİL EDƏCƏK
Kiyevə idman nümayəndə heyəti ilə yanaşı, federasiyanın işçi qrupu da gedəcəkdir. İşçi qrup analoji kompüter və pult texnologiyalarının, habelə Avropa çempionatında istifadə olunan televiziya qrafikasının yaradılması təcrübəsini öyrənməlidir. Əldə edilən vərdişlər 2005-ci ilin oktyabrında Bakıda keçiriləcək bədii gimnastika üzrə dünya çempionatının yüksək səviyyədə təşkilində çox gərəkli olacaqdır.
Mətbuat xidmətindən həmçinin demişlər ki, Beynəlxalq Gimnastika Federasiyasının (BGF) Bədii Gimnastika üzrə Texniki Komitəsinin prezidenti xanım Eqle Abruzzini Namibiyanın paytaxtı Vindhukda keçirilmiş BGF Şurasında bildirmişdir ki, o, Dünya Kubokunun iki mərhələsinin Azərbaycan paytaxtında yüksək səviyyədə təşkil edildiyini nəzərə alaraq, Bakıda keçiriləcək dünya çempionatına nikbinliklə baxır.
Bölmənin digər xəbərləri
