AZƏRBAYCANIN YIĞMA FUTBOL KOMANDASI REYTİNQİNİ YAXŞILAŞDIRMIŞDIR
AZƏRTAC FİFA-nın rəsmi saytına istinadla bildirir ki, Karlos Alberto Torresin başçılıq etdiyi yığmamız 417 xalla 112-ci yeri tutur. Futbolçularımız Ermənistan komandasını 112-ci mövqedən çıxarmışlar.
Reytinq cədvəlinə isə, ənənəvi olaraq, braziliyalılar başçılıq edirlər – 842 xal. Fransa və İspaniya komandaları 2-ci və 3-cü pillələrdə öz mövqelərini saxlamışlar. Fransızlar 812, ispanlar isə 785 xal toplamışlar. 735 xal toplayan meksikalılar 6-cı yerdən 4-cü yerə keçmişlər. Argentina komandası 5-ci pillədə qala bilmişdir. Lakin iyunda Niderland və Türkiyə yığmaları da həmin pilləyə qalxmışdır. Hər üç komanda hərəyə 733 xal toplamışdır.
Bölmənin digər xəbərləri
