BAKIDA OLİMPİYA OYUNLARI SƏRGİSİ AÇILACAQ
Yunanıstan Prezidenti Konstantinos Stefanopulosun Bakıya qarşıdakı səfəri çərçivəsində Azərbaycan Milli Olimpiya Komitəsində Olimpiya oyunları sərgisi açılacaqdır. Bunu AZƏRTAC-ın müxbirinə Yunanıstanın ölkəmizdəki səfiri Merkurios Karafotias bildirmişdir.
M.Karafotias demişdir ki, sərgidə nümayiş etdiriləcək nadir eksponatların hamısı Yunanıstandan xüsusi olaraq gətirilmişdir. Bakı sakinləri və paytaxtın qonaqları 10 gün ərzində yunan mədəniyyətinin bir hissəsi ilə tanış olmaq imkanı qazanacaqlar.
Yunanıstan dövlətinin başçısı sərginin açılış mərasimində şəxsən iştirak edəcəkdir.
Bölmənin digər xəbərləri
