Bakı, 20 avqust (AZƏRTAC). Avqustun 20-də Azərbaycan Respublikasının Energetika Nazirliyində BMT-nin İnsan Hüquqları Şurasının biznes və insan hüquqları üzrə işçi qrupu ilə görüş olub.

Nazirliyin mətbuat xidmətindən AZƏRTAC-a bildiriblər ki, görüşdə Azərbaycan ilə BMT-nin İnsan Hüquqları Şurasının biznes və insan hüquqları üzrə işçi qrupu arasında əməkdaşlıq məsələləri və qarşıda duran vəzifələr müzakirə olunub. Qeyd edilib ki, Azərbaycanda biznes fəaliyyətinin insan hüquqlarına təsiri daim diqqətdə saxlanılır və bu istiqamətdə yeni təcrübələr öyrənilir.

Görüşdə mədən sənayesində şəffaflıq və digər mövzular ətrafında da müzakirələr aparılıb.