Bu gün Azərbaycan Kubokunda I təsnifat mərhələsinə yekun vurulacaq
Bakı, 10 oktyabr, AZƏRTAC
Bu gün futbol üzrə Azərbaycan Kubokunda I təsnifat mərhələsi başa çatacaq.
AZƏRTAC xəbər verir ki, ikinci oyun günündə iki görüş təşkil olunacaq. “Göygöl” evdə “Şəmkir”i, “Quba” isə “Xankəndi”ni qəbul edəcək. Hər iki qarşılaşma saat 14:00-da başlayacaq.
Qeyd edək ki, ötən gün reallaşan matçlarda "Ağstafa Gəncləri" "Şirvan"ı (1:0), "Qaradağ Lökbatan" "Ağdaş"ı (8:0) "Şəki Siti" "Araz-Saatlı"nı (3:2), "Dinamo" isə əlavə vaxtda "Kür-Araz"ı (3:2) məğlub edərək II təsnifat mərhələsinə vəsiqə qazanıb.
Bölmənin digər xəbərləri
