Bakı, 23 sentyabr (AZƏRTAC, Nihad Budaqov). 2015-ci ildə Azərbaycandakı alternativ və bərpa olunan enerji mənbələrindən istifadə olunmaqla 300 meqavatlıq enerji layihəsi həyata keçiriləcək.

AZƏRTAC xəbər verir ki, bu haqda jurnalistlərə müsahibəsində Azərbaycan Respublikası Alternativ və Bərpa Olunan Enerji Mənbələri üzrə Dövlət Agentliyinin sədri Akim Bədəlov məlumat verib.

A.Bədəlov bildirib ki, layihədə günəş, geotermal sular, külək, kiçik çaylar və biokütlədən alınan enerjidən istifadə olunması nəzərdə tutulur. Artıq layihənin icrası ilə əlaqədar Dövlət Agentliyi müvafiq plan hazırlayıb.