GUAM ölkələri yaşıl enerji konsepsiyasını gücləndirəcək
Kiyev, 10 iyun, AZƏRTAC
GUAM ölkələrində yaşıl enerji konsepsiyasının gücləndirilməsi nəzərdə tutulur.
GUAM-ın Katibliyindən AZƏRTAC-a bildiriblər ki, təşkilata üzv dövlətlər arasında iqlim sahəsində qarşılıqlı fəaliyyətlə bağlı əməkdaşlığın və dialoqun genişləndirilməsi, o cümlədən ətraf mühitin mühafizəsi tədbirlərinin gücləndirilməsi müzakirə olunur. Bu xüsusda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində Bakıda GUAM tədbirinin çağırılması planlaşdırılır.
İclasda enerji təhlükəsizliyi və davamlı, ədalətli, iqlimə davamlı enerji keçidi sahəsində əməkdaşlığın təşviqi, o cümlədən dekarbonizasiya, bərpaolunan enerji mənbələrindən, həmçinin ənənəvi yanacaq növlərindən istifadə, eyni zamanda, enerji səmərəliliyi və təmiz enerjiyə investisiyalar kimi məsələlərin müzakirəsi planlaşdırılır.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
