GÜLƏŞÇİLƏRİMİZ BEYNƏLXALQ TURNİRDƏ İŞTİRAK EDƏCƏKLƏR
Azərbaycanın sərbəst güləş üzrə yığma komandası iyunun 10-12-də Leypsiqdə (AFR) keçiriləcək beynəlxalq turnirdə iştirak edəcəkdir. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, ölkəmizi yarışlarda Namiq Abdullayev (55 kq), Arif Abdullayev (60 kq), Elman Əsgərov (66 kq) və Elnur Aslanov (74 kq) təmsil edəcəklər. Azərbaycan Güləş Federasiyasının rəhbərliyi bu turnirə qarşıdakı Olimpiya oyunlarına hazırlıq mərhələsi kimi baxır.
Bölmənin digər xəbərləri
