Gürcüstanda təbii fəlakət qurbanlarının sayı 21-ə çatıb
Tbilisi, 9 avqust, AZƏRTAC
Gürcüstanın Oni bələdiyyəsindəki Şovi kurort zonasında baş verən təbii fəlakət zonasından daha iki nəfərin cəsədi tapılaraq aidiyyəti üzrə təhvil verilib.
AZƏRTAC xəbər verir ki, bununla da təbii fəlakət nəticəsində ölənlərin sayı 21 nəfərə çatıb.
Gürcüstan Daxili İşlər Nazirliyindən verilən məlumata əsasən, fəlakət bölgəsində daha 12 nəfərin axtarışları davam etdirilir.
Xatırladaq ki, avqustun 3-də Oni bələdiyyəsinin Şovi kurort zonasında torpaq sürüşməsi olub. Nəticədə 21 nəfər ölüb, 26 nəfər yaralanıb, daha 12 nəfər isə itkin düşmüş sayılır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
