Bakı, 7 oktyabr (AZƏRTAC). İmişli rayonunun elektrik təsərrüfatında həyata keçirilən yenidənqurma işlərinin miqyası genişlənir. Eyni zamanda istehlakçıların daha keyfiyyətli və dayanıqlı elektrik enerjisi ilə təmin olunması, gələcəkdə yarana biləcək problemlərin qarşısının alınması məqsədilə transformator məntəqələrində, elektrik verilişi xətlərində əsaslı və cari təmir işləri aparılır.

“Azərenerji” ASC-nin mətbuat xidmətindən AZƏRTAC-a bildiriblər ki, “İmişli” Elektrik Şəbəkəsi Müəssisəsində ümumi istehlak ötən ilin müvafiq dövrü ilə müqayisədə 5,9 milyon kilovat-saatdan çox artaraq 144 milyon kilovat-saata yaxın olub. Daimi əhali istehlakçı qrupunda istehlak 5,6 milyon kilovat-saatdan çox artıb. Ödənişdə isə müvafiq olaraq 9 faiz və 11 faiz artım qeydə alınıb.