La Liqa təmsilçisi braziliyalı müdafiəçini heyətinə qatıb
Bakı, 18 yanvar, AZƏRTAC
İspaniyanın “Betis” klubu heyətini yeni futbolçu ilə gücləndirib.
AZƏRTAC xəbər verir ki, komanda Braziliyanın “Atletiko” (Paranaense) klubunun müdafiəçisi Abner Vinisius ilə 2029-cu ilin yayınadək müqavilə imzalayıb.
La Liqa təmsilçisi bu transferə görə “Atletiko”ya 5 milyon avro ödəyib.
İyirmi iki yaşlı futbolçu peşəkar karyerasına “Ponte Preta” klubunda başlayıb. O, 2019-cu ildən “Atletiko”da çıxış edir. Braziliyalı müdafiəçi ölkəsinin U-23 yığmasına da dəvət alır.
Bölmənin digər xəbərləri
