MASALLIDA MİLLİ QURTULUŞ GÜNÜNƏ HƏSR OLUNMUŞ İDMAN YARIŞLARI KEÇİRİLMİŞDİR

17.06.2004 [11:50]
Çap et
A⁺ A^-

AZƏRTAC-ın müxbiri xəbər verir ki, Masallı şəhərində Milli Qurtuluş gününə həsr olunmuş cüdo üzrə açıq rayon birinciliyi keçirilmişdir.

İdman yarışmasının açılış mərasimində çıxış edən rayon gənclər, idman və turizm idarəsinin rəisi Kamal Namazov və uşaq-gənclər idman məktəbinin direktoru Abbas Abbasov iştirakçıları bayram münasibətilə təbrik etmiş, gənc pəhləvanlara qələbə sevincləri arzulamışlar.

Birincilikdə Masallı cüdoçuları ilə bərabər, Bakı şəhərinin Nizami Rayon Təhsil Şöbəsinin ixtisaslaşdırılmış uşaq-gənclər idman məktəbinin iki komandası, Sumqayıt şəhərinin, Ağcabədi və Ağdam rayonlarının idmançıları da qalib adı uğrunda mübarizə aparmışlar.

110 idmançının yarışdığı birincilikdə ümumi komanda hesabında Masallı güləşçiləri birinci yeri tutmuşlar.

Qaliblərə pul mükafatları, diplom və qiymətli hədiyyələr verilmişdir.