Mədəni və yaradıcı sənaye sahələrinə dair 4 siyahı təsdiq olunub
Bakı, 7 may, AZƏRTAC
“Azərbaycan Respublikasının 2022-2026-cı illərdə sosial-iqtisadi inkişaf Strategiyası”nın Tədbirlər Planının icrası istiqamətində Azərbaycan Respublikasında mədəni və yaradıcı sənaye sahələrinə aid edilən iqtisadi fəaliyyət növlərinin, peşələrin (vəzifələrin), istehsal olunan, xarici iqtisadi fəaliyyət üzrə mədəni və yaradıcı sənaye sahələrinə aid edilən mal və xidmətlərin siyahıları Azərbaycan Respublikasının Nazirlər Kabinetinin 2025-ci il 2 may tarixli Qərarı ilə təsdiq olunub.
Mədəniyyət Nazirliyindən AZƏRTAC-a bildirilib ki, bu öz növbəsində mədəni və yaradıcı sənayelər sahəsində əsaslı təşəbbüslərin həyata keçirilməsinə, statistika işinin aparılmasına, fəaliyyətlərin daha məhsuldar şəkildə planlaşdırılmasına imkan yaradacaqdır.
Layihə İqtisadiyyat Nazirliyi, Əmək və Əhalinin Sosial Müdafiəsi Nazirliyi, Dövlət Statistika Komitəsi, Dövlət Gömrük Komitəsi və digər aidiyyəti dövlət qurumları və Mərkəzi Bankın dəstəyi ilə hazırlanıb.
Bölmənin digər xəbərləri
