Meksikada terror hücumu: Ölənlər və yaralananlar var
Bakı, 13 iyul, AZƏRTAC
Meksikada terror hücumu nəticəsində 6 nəfər həlak olub.
AZƏRTAC “Reuters”ə istinadən xəbər verir ki, Meksikanın qərb hissəsindəki Xalisko əyalətində yerli terrorçu qruplaşma tərəfindən 4 nəfər xüsusi xidmət orqanı əməkdaşı və 2 nəfər mülki şəxsin ölümü, onlarla insanın yaralanması ilə nəticələnən partlayış hadisəsi baş verib. Yerli hökumət bu hadisəni “terror aktı” kimi qiymətləndirib.
Əyalət qubernatoru Enrike Alfaro rəsmi tviter hesabından bildirib ki, polis və Xalisko əyalətinin Baş Prokurorluğunun əməkdaşlarının ölümünə səbəb olan hadisə terrorçu qruplaşmaların Meksika ərazisindəki aktivliyini və nəticələrinin necə ağır olduğunu göstərib.
Bölmənin digər xəbərləri
