Məktəblərdə izolyasiya otaqları fəaliyyət göstərəcək
Bakı, 11 sentyabr, AZƏRTAC
Xüsusi karantin rejimində məktəblərdə izolyasiya otaqları fəaliyyət göstərəcək.
AZƏRTAC xəbər verir ki, bunu Nazirlər Kabinetinin “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları” ilə əlaqədar Təhsil Nazirliyinin keçirdiyi onlayn mətbuat konfransında nazirin müşaviri Rüstəm Ağayev deyib. O bildirib ki, məktəblərdə koronavirusla bağlı ilkin yardım göstərilməyəcək. Yoluxma şübhəsi olan təhsilalan, yaxud təhsilverən müvəqqəti olaraq izolyasiya otağına yerləşdiriləcək və təcili tibbi yardıma müraciət olunacaq.
Bölmənin digər xəbərləri
