Niderland millisinin baş məşqçisi Dik Advokat komandadan ayrılır
Bakı, 15 noyabr, AZƏRTAC
Futbol üzrə Niderland millisinin baş məşqçisi Dik Advokat komandadan ayrılır.
AZƏRTAC xəbər verir ki, 70 yaşlı mütəxəssis baş məşqçi postundan gedəcəyini Rumıniya ilə yoxlama oyunundan sonra açıqlayıb.
“Dekabrın 1-də Niderland Kral Futbol İttifaqı ilə müqaviləm başa çatır. Müqaviləni yeniləməyi düşünmürəm. Getməyim daha məqsədəuyğundur. Artıq nəsil dəyişib və meydan gənclərindir”, - deyə mütəxəssis bildirib.
Buxarestdəki “Naçional” stadionunda Rumıniya ilə yoxlama oyununda Niderland millisi 3:0 hesabı ilə qalib gəlib.
Qeyd edək ki, Dik Advokatın rəhbərliyi altında Niderland millisi dünya çempionatının final mərhələsinə vəsiqə qazana bilməyib.
Bölmənin digər xəbərləri
