PORTUQALİYA AZARKEŞLƏRİ QONAQPƏRVƏRLİKLƏ QARŞILAYACAQ
AZƏRTAC xarici informasiya mənbələrinə istinadla xəbər verir ki, Portuqaliya hökuməti ölkə vətəndaşlarını əcnəbi futbol azarkeşlərini qonaqpərvərliklə qarşılamağa çağırmışdır. 2004-cü il Avropa çempionatının keçirilməsinə məsuliyyət daşıyan nazir Joze-Luis Arnonun Portuqaliya sakinlərinə ünvanlanmış məktubunda deyilir: “Qarşıdakı oyunlardan maksimum faydalanmaq və qonaqpərvərlik nümayiş etdirmək lazımdır. Portuqaliya sizə ümid bəsləyir. Zəngin mədəniyyətimizi dünyaya tanıtdırmaq üçün yaxşı fürsətdir”.
Avropa çempionatını izləmək və işıqlandırmaq üçün Portuqaliyaya 500 mindən çox əcnəbi azarkeşin, 8,5 min jurnalistin gələcəyi gözlənilir. Turniri 200-dək teleşirkət yayımlayacaqdır.
Bölmənin digər xəbərləri
