SİYASƏT
Referendumla əlaqədar bir sıra prosedurlar başa çatıb
Bakı, 16 sentyabr, AZƏRTAC
Sentyabrın 26-da Azərbaycanda keçiriləcək referendumda müşahidə aparmaq üçün ərizələrin Mərkəzi Seçki Komissiyasına təqdim edilməsi müddəti bu gün başa çatıb.
Təqvim Planına əsasən, aktiv seçki hüququna malik Azərbaycan vətəndaşları, beynəlxalq müşahidəçilər referendumun elan edildiyi gündən səsvermənin keçirilməsinə 10 gün qalanadək Mərkəzi Seçki Komissiyasında qeydiyyatdan keçməlidir.
Bu gün, həmçinin səsvermə gününədək seçki komissiyalarının iclaslarını müşahidə etmək üçün xüsusi icazə ilə bağlı komissiyaya müraciət olunması, eləcə də referendum üzrə səsvermə bülletenlərinin hazırlanması üçün ayrılan vaxt da başa çatıb.