Tunis yığması futbol üzrə dünya çempionatının final mərhələsinə vəsiqə qazanıb
Bakı, 12 noyabr, AZƏRTAC
Tunis yığması seçmə turnirdə Liviya komandası ilə ev oyununu 0:0 hesabı ilə başa vuraraq, 2018-ci ildə Rusiyada keçiriləcək futbol üzrə dünya çempionatının final mərhələsinə vəsiqə qazanıb.
AZƏRTAC xəbər verir ki, tunislilər Rusiya, Braziliya, İran, Yaponiya, Meksika, Belçika, Cənubi Koreya, Səudiyyə Ərəbistanı, Almaniya, İngiltərə, İspaniya, Nigeriya, Kosta-Rika, Polşa, Misir, İslandiya, Serbiya, Fransa, Portuqaliya, Panama, Uruqvay, Kolumbiya, Argentina, Seneqal və Morokko yığmalarından sonra 2018-ci il çempionatının finalına adlayan 26-cı komanda olub.
Xatırladaq ki, dünya çempionatı 2018-ci il iyunun 14-dən iyulun 15-dək Rusiyanın 11 şəhərindəki 12 stadionda keçiriləcək. Turnirin final mərhələsinin püşkü dekabrın 1-də Moskvada atılacaq.
Bölmənin digər xəbərləri
