Sumqayıt, 25 sentyabr, AZƏRTAC

“Sumqayıt” futbol klubunun Misli Premyer Liqasının 7-ci turu çərçivəsində keçirilən– “Turan Tovuz” qarşılaşması iki futbolçusu üçün əlamətdar olub.

Klubdan AZƏRTC-a verilən məlumata görə, komandanın oyunçuları Vüqar Mustafayev Premyer Liqada, Səbuhi Abdullazadə isə bütün rəsmi oyunlar daxil olmaqla komanda heyətində 100-cü oyunlarını keçiriblər.

Komanda kapitanı Vüqar Mustafayev 2019/2020 mövsümündən, akademiyanın yetirməsi olan Səbuhi Abdullazadə isə 2017/2018 mövsümündən etibarən əsas komandanın şərəfini qoruyurlar. Kapitan bu müddətdə 5 məhsuldar ötürmə ilə yadda qalıbsa, S.Abdullazadədə bu göstərici 3 qol və 8 məhsuldar ötürməyə bərabərdir.