Türkiyə Superliqası: “Fənərbağça” vacib xallar itirib
Bakı, 1 mart, AZƏRTAC
Futbol üzrə Türkiyə Superliqasında XXIV tura yekun vurulub.
AZƏRTAC xəbər verir ki, son oyun günündə 3 qarşılaşma baş tutub.
"Samsunspor" - "Qaziantep" və "Gənclərbirliyi" - "Kayserispor" matçlarında qapılara qol vurulmayıb.
Digər görüşdə isə "Fənərbağça" "Antalyaspor"un qonağı olub. Bu qarşılaşmada da qalib müəyyənləşməyib - 2:2. İlk hissədən sonra 0:2 hesabı ilə məğlub durumda olan "Fənərbağça" ikinci yarıda vurduğu qollarla məğlubiyyətdən xilas olub.
Qeyd edək ki, bu nəticədən sonra xallarını 54-ə çatdıran "Fənərbağça" 2-ci pillədə qərarlaşıb. "Antalyaspor" isə 24 xalla 13-cü sırada yer alıb.
Bölmənin digər xəbərləri
