“XOCALI HARAYI” MÖVZUSUNDA “DƏYİRMİ MASA”
Bakı, 1 mart (AZƏRTAC). “Gənclərin töhfəsi” İctimai Birliyindən (İB) bildirmişlər ki, qurumun təşkilatçılığı ilə “Xocalı harayı” mövzusunda “dəyirmi masa” keçirilmişdir.
Birliyin sədri Asim Vəliyev 1992-ci il fevralın 25-dən 26-na keçən gecə keçmiş SSRİ-nin 366-cı motoatıcı alayının köməyi ilə ermənilər tərəfindən Xocalının dinc əhalisinə qarşı törədilən vəhşiliklər haqqında qısa məlumat vermişdir. BDU-nun tarix fakültəsinin tələbəsi Əjdər Babazadə tarix boyu ermənilərin türk dünyasına qarşı yönəlmiş cinayətlərini faktlarla diqqətə çatdırmışdır. Bildirmişdir ki, Xocalı soyqırımı Azərbaycan xalqının XX əsrdə üzləşdiyi dəhşətli faciələrdən biridir. Millətimizin başına gətirilən vəhşiliklərdən nəticə çıxarmalı, öz içimizdə intiqam hissi oyatmalıyıq.
Tədbirdə tarixi faciələrimizdən bəhs edən sənədli film nümayiş etdirilmişdir. Sonda gənclər Xocalı soyqırımı ilə bağlı fikirlərini bildirmiş və səbəbkarları lənətləmişlər.
Bölmənin digər xəbərləri
