YUNANISTAN OLİMPİADA GÜNLƏRİNDƏ BÜTÜN ŞÜBHƏLİ TƏYYARƏLƏRİ VURACAQ
İctimai asayiş naziri Georgios Vulqarakis 2001-ci il sentyabrın 11-də ABŞ-da baş vermiş hadisələrin təkrar edilməsinin mümkünlüyünü nəzərdə tutaraq bildirmişdir ki, “Yunanıstan səmasına qanunsuz soxulan təyyarə məqsədinə çatmayacaqdır”. O xatırlatmışdır ki, avqustun 13-29-da keçiriləcək Olimpiada zamanı Yunanıstanın hava məkanını qorumaq üçün NATO-nun “Avaks” tipli erkən aşkarlama təyyarələri cəlb ediləcəkdir.
70 minədək polis nəfəri olimpiya obyektlərində və olimpiya kəndində gecə-gündüz keşik çəkəcəkdir. Paytaxtın yaxınlığındakı Saronikos körfəzində gəmilərin hərəkətinə məhdudiyyət qoyulacaqdır.
Beynəlxalq Olimpiya Komitəsi Olimpiada günlərində təhlükəsizliyin təmin edilməsi üçün nəzərdə tutulan tədbirləri yüksək qiymətləndirir. Yunanıstan onların həyata keçirilməsinə təxminən 1 milyard dollar sərf edəcəkdir ki, bu da 2000-ci il Sidney Olimpiadasında belə tədbirlər üçün ayrılmış vəsaitdən, demək olar, dörd dəfə çoxdur.
Bölmənin digər xəbərləri
