ZİDAN AVROPA FUTBOLUNUN BÜTÜN TARİXİ ƏRZİNDƏ ƏN YAXŞI OYUNÇU ADLANDIRILDI
AZƏRTAC-ın xarici informasiya agentliklərindən aldığı xəbərdə deyilir ki, fransalı Zinəddin Zidan Bi-Bi-Si tərəfindən keçirilən sorğunun nəticələrinə görə Avropa futbolunun bütün tarixi ərzində ən yaxşı oyunçu hesab olunmuşdur. Rəyi soruşulanların 12 faizi Zidana səs vermişdir.
Avropanın beş ən yaxşı futbolçusu sırasına hollandlar Yohan Kroyf və Marko van Basten, Şimali irlandiyalı Corc Best və fransalı Tyerri Anri daxil edilmişlər.
Maraqlıdır ki, ingilis Devid Bekhem hətta 40 ən yaxşı futbolçu sırasına düşməmişdir. Adlı-sanlı sovet futbolçusu – qapıçı Lev Yaşin sorğuda 24-cü yeri tutmuşdur.
Bölmənin digər xəbərləri
