24 saylı Nizami birinci seçki dairəsində 43 min 609 seçici qeydiyyatdadır
Bakı, 26 sentyabr, Ramiz Quliyev, AZƏRTAC
24 saylı Nizami birinci seçki dairəsində referendum - ümumxalq səsverməsi seçici fəallığı şəraitində davam edir.
Seçki dairəsi dairə seçki komissiyasının sədri Niyazi Nəcəfov AZƏRTAC-a bildirib ki, hazırda dairə üzrə 43 min 609 seçici qeydiyyatdadır. Dairədə həmçinin 36 məntəqə fəaliyyət göstərir. On məntəqədə veb-kamera quraşdırılıb.
Seçki prosesini izləmək üçün 345 yerli müşahidəçi qeydiyyata alınıb. Onların sırasında olan YAP təşviqat qrupu, bitərəflər, bələdiyyə, Qarabağ Müharibə Veteranlarının təmsilçiləri və digər təşkilatların nümayəndələri referendumun gedişini müşahidə edirlər.
N.Nəcəfov qeyd edib ki, ümumxalq səsverməsini beynəlxalq müşahidəçilər də izləyirlər.
Bölmənin digər xəbərləri
