"Gəncə" kolumbiyalı voleybolçunu transfer edib
Bakı, 7 oktyabr, AZƏRTAC
“Gəncə” klubu heyətini yeni voleybolçu ilə gücləndirib.
AZƏRTAC xəbər verir ki, Gəncə təmsilçisi kolumbiyalı voleybolçu Melissa Rangel ilə müqavilə imzalayıb.
Oyunçu sonuncu mövsümü ölkəsində “Beyond” klubunda keçirib. Melissa Rangel karyerası ərzində Peru, Portuqaliya, Braziliya və İspaniyada legioner həyatı yaşayıb.
Voleybolçu Peru çempionatının və Portuqaliya Super kubokunun qalibi olub. Həmçinin Kolumbiya milli komandasının heyətində Pan-Amerika Oyunlarının qızıl və Pan-Amerika kubokunun gümüş medalını qazanıb.
Bölmənin digər xəbərləri
