Antonio Quterreş Vladimir Putinə taxıl sazişinin uzadılması ilə bağlı məktub ünvanlayıb
Bakı, 12 iyul, AZƏRTAC
BMT-nin Baş katibi Antonio Quterreş Rusiya Prezidenti Vladimir Putinə taxıl sazişinin uzadılması ilə bağlı məktub göndərib.
AZƏRTAC xəbər verir ki, bu barədə çərşənbə günü BMT Baş katibinin nümayəndəsi Stefan Düjarrik açıqlama verib.
“Bu istiqamətdə davam edən səylər çərçivəsində Baş katib dünən Rusiya Prezidenti Vladimir Putinə məktub göndərərək, Qara dəniz təşəbbüsünün qorunub saxlanması üçün anlaşma memorandumunun həyata keçirilməsinin təkmilləşdirilməsinə yönəlmiş təklif irəli sürüb”, -deyə o bildirib.
S.Düjarrik qeyd edib ki, BMT-nin Baş katibi taxıl sazişi ilə bağlı təkliflər üzrə Rusiya ilə gələcək qarşılıqlı fəaliyyətə hazırdır.
Bölmənin digər xəbərləri
