ATƏT-İN BÜROSU “CƏNUBİ QAFQAZDA ÇAYLARIN MONİTORİNQİ” LAYİHƏSİNİ HƏYATA KEÇİRİR

31.10.2004 [01:19]
Çap et
A⁺ A^-

AZƏRTAC xəbər verir ki, ATƏT-in İqtisadi və Ekoloji Fəaliyyət üzrə Əlaləndirmə Bürosu NATO-nun “Sülh naminə elm” Proqramı ilə birlikdə “Cənubi Qafqazda çayların monitorinqi” layihəsini həyata keçirir.

Layihənin məqsədi Cənubi Qafqaz ölkələrində regional su monitorinqi sistemini yaratmaq, yerlərdə texniki potensialı gücləndirmək, həmçinin suyun analiz və tədqiqatı metodologiyasını təşkil etməkdən ibarətdir. Metodologiya təlim kurslarını, ekspedisiya təşkil edilməsini, laboratoriya analizləri aparılmasını və su infrastrukturunun idarə olunmasının təkmilləşdirilməsini əhatə edir. Toplanmış məlumatlar ABŞ-ın Nyu-Meksiko Universitetinin dəstəyi ilə İnternetdə yerləşdiriləcəkdir.

Layihəni NATO-nun “Sülh naminə elm” Proqramı və Statoil şirkəti maliyyələşdirir.