AZƏRBAYCANDA NEFT HASİLATI HƏR İL 10-15 MİLYON TON ARTACAQDIR

01.11.2004 [12:46]
Çap et
A⁺ A^-

Azərbaycan Dövlət Neft Şirkətindən AZƏRTAC-a bildirmişlər ki, gələn il neft hasilatının 28,5 faiz artaraq 19,85 milyon tona çatacağı proqnozlaşdırılır. Bu artım Azərbaycan Beynəlxalq Əməliyyat Şirkəti tərəfindən Xəzərdəki Mərkəzi və Qərbi Azəri yataqlarının istismarına başlanması hesabına əldə ediləcəkdir.

ABƏŞ-in hasil etdiyi neftin həcmi hazırda 6,7 milyon tondur, 2005-ci ildə isə 11 milyon ton olacaqdır.

ARDNŞ-in yaxın üç ildə çıxaracağı neftin həcminin builki 8,75 milyon ton səviyyəsində qalacağı gözlənilir.

Ekspertlərin proqnozlarına görə 2006-cı ildə Azərbaycanda çıxarılacaq neftin həcmi 29,95 milyon ton, 2007-ci ildə 46,45 milyon ton, 2008-ci ildə isə 61 milyon ton olacaqdır.

AZƏRBAYCANDA NEFT HASİLATI HƏR İL 10-15 MİLYON TON ARTACAQDIR

MÜƏLLİFLƏ ƏLAQƏ

Bölmənin digər xəbərləri