Dekabrın 2-də gecə Abşeron yarımadasının bəzi yerlərində çiskinli yağış yağacağı ehtimal olunur
Bakı, 1 dekabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, dekabrın 2-də Bakıda və Abşeron yarımadasında hava şəraitinin dəyişkən buludlu, əsasən yağmursuz keçəcəyi, axşam buludluluğun artacağı, gecəyə doğru yarımadanın bəzi yerlərində çiskinli yağış yağacağı ehtimal olunur.
Şimal-qərb küləyinin əsəcəyi, ayrı-ayrı yerlərdə arabir güclənəcəyi gözlənilir.
Havanın temperaturu gecə 9-11, gündüz 12-14 dərəcə təşkil edəcəkdir.
Azərbaycanın rayonlarında hava şəraitinin əsasən yağmursuz keçəcəyi, gecə və səhər bəzi yerlərdə duman olacağı, qərb küləyinin əsəcəyi gözlənilir.
Havanın temperaturu gecə 6-10, gündüz 15-19, dağlarda gecə müsbət 5-7, gündüz müsbət 9-14 dərəcə olacaqdır.
Bölmənin digər xəbərləri
