DÖVLƏT ŞƏHƏRSALMA VƏ ARXİTEKTURA KOMİTƏSİNDƏ XOCALI FACİƏSİNİN İLDÖNÜMÜ İLƏ BAĞLI TƏDBİR KEÇİRİLMİŞDİR
Bakı, 26 fevral (AZƏRTAC). Fevralın 26-da Dövlət Şəhərsalma və Arxitektura Komitəsində Xocalı faciəsinin 18-ci ildönümünə həsr olunmuş tədbir keçirilmişdir.
XX əsrin ən dəhşətli faciəsi olan Xocalı soyqırımı barədə məruzə ilə çıxış edən komitənin şöbə müdiri Cahangir Qocayev soyqırımının başvermə səbəblərindən danışmış, diqqəti ermənilərin tarix boyu Azərbaycan xalqının başına gətirdikləri müsibətlərə yönəltmişdir. Bildirmişdir ki, Xocalı soyqırımı xalqımıza qarşı törədilmiş misli görünməmiş vəhşilik və bəşəri cinayətdir.
Tədbirdə vurğulanmışdır ki, bu soyqırımının ildönümlərini qeyd etməkdə əsas məqsədimiz həm Xocalı şəhərinin müdafiəçilərinin və şəhidlərinin ruhu qarşısında insanlıq və vətəndaşlıq borcumuz, həm də ermənilər tərəfindən xalqımıza qarşı törədilmiş qəddarlıqları gənc nəslə və dunya ictimaiyyətinə çatdırmaqdır. Biz Xocalı soyqırımının qisasını, Dağlıq Qarabağı qaytarmaq uğrunda Azərbaycan Prezidenti, Ali Baş Komandan İlham Əliyevin apardığı məqsədyönlü siyasətə dəstək verməklə, ərazi bütövlüyümüzü təmin etməklə alacağıq.
Bölmənin digər xəbərləri
