Ekoloji layihələrin nəticələri müzakirə ediləcəkdir
Bakı, 7 dekabr (AZƏRTAC). Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası “Ekologiya ili” çərçivəsində maliyyələşdirdiyi ekoloji layihələrin nəticələrinə həsr olunmuş müzakirə keçirəcəkdir.
Dekabrın 9-da reallaşacaq tədbirdə ekoloji təşkilat və layihələrin rəhbərləri, ekspert və mütəxəssislər iştirak edəcəklər.
Qeyd edək ki, Şura tərəfindən maliyyələşdirilmiş layihələr ölkəmizdə ekoloji problemlərin ictimaiyyət üçün aktuallaşdırılmasına, ekoloji maarifçilik işinin gücləndirilməsinə, ayrı-ayrı regionlarda ekoloji vəziyyətin monitorinqinə və problemlərin həlli istiqamətində addımların atılmasına yardım etmişdir.
Bölmənin digər xəbərləri
