İlin sonunadək Ağsuda daha üç min ağac əkiləcəkdir
Ağsu, 1 dekabr (AZƏRTAC). Azərbaycan Prezidentinin 2003-ci il 18 fevral tarixli Sərancamı ilə təsdiq edilmiş ölkəmizin ərazisində meşələrin bərpa edilməsi və artırılmasına dair Milli Proqram çərçivəsində Ağsu rayonunda hər il minlərlə yeni ağac əkilir, yaşıllıqlar salınır. Rayon icra hakimiyyətindən AZƏRTAC-a verilən məlumatda bildirlir ki, təkcə 2010-cu ilin ötən müddətində rayon ərazisində 6.940 müxtəlif növ ağac, 6.347 bəzək və gül kolu əkilmiş, 19 min 245 kvadratmetr sahədə yaşıllıq salınmışdır.
Hazırda rayonda ağacəkmə kampaniyasına başlanılmışdır. İlin sonunadək yol kənarlarına, yaşayış məntəqələrinə daha 3 min ağac əkiləcəkdir.
Bölmənin digər xəbərləri
