Kimsəsiz uşaqların pəncərələri artıq yaşıllığa açılacaqdır
Bakı, 1 noyabr (AZƏRTAC). ABŞ-ın Azərbaycandakı səfirliyi, “Sülh Korpusu”nun könüllüləri və Azərbaycan-ABŞ Ticarət Palatasının birgə təşəbbüsü ilə Bakıdakı Sos Uşaq Kəndində ağacəkmə aksiyası keçirilmişdir.
Palatanın icraçı direktoru Nərgiz Nəsrullayevanın AZƏRTAC-a verdiyi məlumata görə, əkilmək üçün 300-ə yaxın dekorativ və meyvə tingi alınmışdır. Əsas məqsəd ekologiya ili çərçivəsində paytaxtda və ölkədə gedən yaşıllıqların genişləndirilməsi prosesinə dəstək verməkdir.
Aksiyanın həyata keçirilməsi üçün Azərbaycanda fəaliyyət göstərən 12 iri şirkət maliyyə vəsaiti ayırmışdır.
######
Bölmənin digər xəbərləri
