KÜRDƏMİRDƏ YENİ PAMBIQ SORTLARININ SINAQ TƏCRÜBƏSİ APARILIR
Mərkəzin direktoru Zeydulla Zeynalov AZƏRTAC-ın müxbirinə bildirmişdir ki, inzibati binada elmi işlər aparmaq üçün lazımi şərait yaradılmış, Yaponiya qrantı hesabına xaricdə istehsal olunmuş “M-135” markalı şum traktoru, ciləyici aqreqatlar alınmışdır.
Rayonlaşdırılmış “Gəncə-2” , “Gəncə-8” və “AZNİXİ-195”, eləcə də İsraildən gətirilmiş “Gedera-19”, “Gedera-236”, Türkiyədən gətirilmiş “Ağqızıl” və “Miraj” pambıq sortlarına 20 hektar sahədə sınaq təcrübəsi müsbət nəticələr verir.
Mərkəzdə həmçinin qabaqcıl təcrübə məktəbi yaratmaq, yeni məhsuldar sortlar yetişdirmək, mütəxəssislərin və fermerlərin təcrübə mübadiləsini təşkil etmək sahəsində tədbirlər həyata keçirilir.
Bölmənin digər xəbərləri
