MİSİRLİLƏR MUMİYALAMA ÜÇÜN QATRANI ORTA ASİYADAN ALIRDILAR

01.11.2004 [15:12]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Amerika alimləri qədim misirlilərin mumiyalaşdırma prosesində istifadə etdikləri maddələrdən birini müəyyənləşdirə bilmişlər. Bu, qədimdə Orta Asiyada neft yataqlarının yer səthinə çıxdığı sahələrdə hasil olan təbii neft qatranıdır.

Qatranların hopdurulduğu parçalar rütubətin cəsədəkeçməsinin qarşısını alaraq, onu çürüməkdən qoruyurdu. Qatranların bu xassələri Misir sivilizasiyasının çiçəklənməsi dövründən 2000 min il sonra Şimali Amerikada məskunlaşmış qədim hindilərə də məlum idi. Lakin hindilər qatrandan insan cəsədlərinin mumiyalanmasında deyil, kanoe qayıqlarının su keçirməməsi üçün onlara hopdurulmasında istifadə edirdilər.

Hər bir neft yatağından hasil edilən neftin səciyyəvi molekulyar xüsusiyyətləri olduğundan, alimlər misirlilərin neft qatranlarını məhz hansı konkret bölgədən gətirdiklərini də müəyyənləşdirə bilmişlər.

Qatranın yüzlərlə, minlərlə kilometr uzaqlardan gətirildiyi göstərilir ki, hələ lap qədimlərdə çox-çox uzaq ölkələrlə ticarət əlaqələri mövcud idi.