Misli Premyer Liqası: "İmişli" "Sabah"ı məğlub edib
Bakı, 31 avqust, AZƏRTAC
Futbol üzrə Misli Premyer Liqasında III tura yekun vurulub.
AZƏRTAC xəbər verir ki, günün son oyununda debütant "İmişli" səfərdə "Sabah"la qarşılaşıb. Görüş qonaqların 1:0 hesablı qələbəsi ilə yekunlaşıb. Yeganə qolu 67-ci dəqiqədə Abbas Ağazadə vurub.
Günün ilk görüşündə “Qarabağ” Şamaxı şəhər stadionunda “Karvan-Yevlax”ın qonağı olub. Ağdam təmsilçisi 2:0 hesablı qələbə əldə edib.
Qeyd edək ki, turun əvvəlki matçlarında “Sumqayıt” öz meydanında “Şamaxı” ilə 1:1 hesablı heç-heçə edib, “Turan Tovuz” səfərdə “Neftçi”yə 1:0, “Zirə” evdə “Kəpəz”ə 5:0, “Araz-Naxçıvan” isə “Qəbələ”yə 2:1 hesabı ilə qalib gəlib.
Bölmənin digər xəbərləri
