NASA diametri 190 metr olan asteroidin Yerə yaxınlaşdığı barədə xəbərdarlıq edib
Bakı, 28 iyul, AZƏRTAC
ABŞ-ın Milli Aeronavtika və Kosmik Fəzanın Tədqiqi İdarəsi (NASA) 84-190 metr diametrə malik asteroidin Yerə yaxınlaşması barədə xəbərdarlıq edib.
AZƏRTAC NASA-nın saytına istinadla xəbər verir ki, 2009 PQ1 adlı asteroid avqustun 5-də Yerə maksimum yaxınlaşacaq. O, saniyədə 13,4 kilometr sürətlə planetimizin 3,2 milyon kilometr yaxınlığından keçəcək.
Qeyd edək ki, həmin asteroid 2009-cu il avqustun 14-də kəşf olunub. Astronomlar onu Apollonlar sinfinə - orbitləri Yer orbiti ilə kəsişən asteroidlərə aid edirlər.
Bölmənin digər xəbərləri
