Neftlə çirklənmiş 40 hektardan çox mədən ərazisi reabilitasiya olunub
Bakı, 21 avqust (AZƏRTAC). Azərbaycan Respublikası Dövlət Neft Şirkətinin “Ekol Mühəndislik Xidmətləri” Qapalı Səhmdar Cəmiyyəti (QSC) neft-qaz sənayesi sahələrində ekoloji vəziyyətin yaxşılaşdırılması, xüsusilə də neftlə çirklənmiş torpaqların təmizlənməsi və reabilitasiya olunmuş ərazilərin yaşıllaşdırılması işini uğurla davam etdirir.
QSC-dən AZƏRTAC-a bildiriblər ki, müəssisə tərəfindən “BibiHeybətneft” neft və qazçıxarma idarəsinin neftlə çirklənmiş 40 hektardan çox mədən ərazisi reabilitasiya olunub. Həmin ərazilərə 50 minədək mühitə davamlı müxtəlif növ ağac və bəzək kolları əkilib. Hazırda QSC-nin torpaqların rekultivasiyası departamentinin kollektivi yaşıllıq sahələrinə aqrotexniki xidmətlər göstərir.
Bölmənin digər xəbərləri
