Noyabrın 12-də ölkənin bəzi regionlarında yağış yağacağı ehtimalı vardır
Bakı, 11 noyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, noyabrın 12-də Bakıda və Abşeron yarımadasında havanın tutulub açılacağı, gecə və səhər duman olacağı, yarımadanın bəzi yerlərində çiskinli az yağış yağacağı ehtimalı vardır. Cənub-şərq küləyinin əsəcəyi gözlənilir.
Havanın temperaturu gecə 10-12, gündüz 16-18 dərəcə təşkil edəcəkdir.
Azərbaycanın rayonlarında hava şəraitinin əsasən yağmursuz keçəcəyi, gecə və səhər bəzi yerlərdə duman və çiskin olacağı ehtimalı vardır. Şərq küləyinin əsəcəyi gözlənilir.
Havanın temperaturu gecə 6-11, gündüz 17-21, dağlarda gecə 4-8, gündüz 14-17 dərəcə olacaqdır.
Bölmənin digər xəbərləri
