Noyabrın 30-da ölkə ərazisində bəzi yerlərdə zəif duman, çiskin olacağı gözlənilir
Bakı, 29 noyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, noyabrın 30-da Bakıda və Abşeron yarımadasında hava şəraitinin dəyişkən buludlu, əsasən yağmursuz keçəcəyi, gecə və səhər bəzi yerlərdə zəif duman, çiskin olacağı, arabir güclənən cənub-qərb küləyinin axşam şimal-qərb küləyi ilə əvəz olunacağı ehtimal olunur.
Havanın temperaturu gecə 9-12, gündüz 16-19 dərəcə təşkil edəcəkdir.
Azərbaycanın rayonlarında hava şəraitinin əsasən yağmursuz keçəcəyi, gecə və səhər bəzi yerlərdə duman, şərq rayonlarında isə çiskin olacağı, cənub-qərb küləyinin dağlıq ərazilərdə arabir güclənəcəyi gözlənilir.
Havanın temperaturu gecə 8-12, gündüz 19-24, dağlarda gecə 6-10, gündüz 17-22 dərəcə olacaqdır.
Bölmənin digər xəbərləri
