Noyabrın 3-də dəyişkən buludlu, yağmursuz hava şəraiti gözlənilir
Bakı, 2 noyabr (AZƏRTAC). Ekologiya və Təbii Sərvətlər Nazirliyi Milli Hidrometeorologiya Departamentindən AZƏRTAC-a verilən məlumata görə, noyabrın 3-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, cənub-qərb küləyinin əsəcəyi gözlənilir. Havanın temperaturu gecə müsbət 8-10, gündüz 13-15 dərəcə olacaqdır.
Azərbaycanın rayonlarında isə hava şəraiti əsasən yağmursuz keçəcək, gecə və səhər ayrı-ayrı yerlərdə duman olacaq, şərq küləyi əsəcəkdir. Havanın temperaturu gecə müsbət 5-10, gündüz 16-21, dağlarda gecə 0-3, gündüz 6-11 dərəcə olacaqdır.
Bölmənin digər xəbərləri
