Ölkə ərazisində bəzi yerlərdə duman, çiskin olacağı, yağış yağacağı ehtimal olunur
Bakı, 3 dekabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, dekabrın 4-də Bakıda və Abşeron yarımadasında hava şəraitinin buludlu keçəcəyi, arabir açılacağı, gecə və səhər bəzi yerlərdə duman, çiskin olacağı, axşam isə yarımadanın bəzi yerlərində yağış yağacağı ehtimal olunur.
Şimal-şərq küləyinin əsəcəyi, gündüz cənub-şərq küləyi ilə əvəz olunacağı gözlənilir.
Havanın temperaturu gecə 8-10, gündüz 12-14 dərəcə təşkil edəcəkdir.
Azərbaycanın rayonlarında hava şəraitinin əsasən yağmursuz keçəcəyi, səhər ayrı-ayrı yerlərdə duman olacağı, bəzi şimal və şərq rayonlarında yağış yağacağı ehtimal olunur. Şərq küləyinin əsəcəyi, arabir güclənəcəyi gözlənilir.
Havanın temperaturu gecə 4-8, gündüz 14-17, dağlarda gecə 3-8, gündüz 9-12 dərəcə olacaqdır.
Bölmənin digər xəbərləri
