Respublika Seysmoloji Xidmət Mərkəzinin əməkdaşları beynəlxalq sertifikat alıb
Bakı, 29 mart, AZƏRTAC
AMEA nəzdində Respublika Seysmoloji Xidmət Mərkəzi (RSXM) və ABŞ-ın “Kinemetriks” şirkəti arasında olan ikitərəfli əməkdaşlıq çərçivəsində azərbaycanlı seysmoloqlar üçün treninq keçirilib.
Mərkəzin mətbuat xidmətindən AZƏRTAC-a verilən məlumata görə, “Kinemetriks” şirkətinin mütəxəssisləri Taimi Mulder, Edelvays Spassov və Matias Frankenin keçdiyi treninqin əsas mövzusu "Kinemetriks" cihazlarına xidmətin aparılması ilə bağlı olub. Treninqdə iştirak edən RSXM-in 15 əməkdaşı təlimlər başa çatdıqdan sonra “Kinemetriks” tərəfindən sertifikat alıblar.
Xatırladaq ki, mərkəzin seysmik stansiyalarındakı avadanlıqları “Kinemetriks” şirkəti istehsal edib.
Bölmənin digər xəbərləri
