RUSİYA BMT-NİN İQTİSADİ VƏ SOSİAL ŞURASININ TƏRKİBİNƏ SEÇİLMİŞDİR
XİN-in məlumatında deyilir ki, BMT Baş Məclisinin 59-cu sessiyasında Rusiya üzv dövlətlərin böyük səs çoxluğu ilə yenidən EKOSOS-un tərkibinə seçilmişdir. Sənəddə bildirilir ki, seçkilərin nəticələri Rusiyanın bu beynəlxalq təşkilatda yüksək nüfuza malik olduğunu göstərir. Məlumatda deyilir ki, “Şuraya yenidən seçilməsi Rusiyanın iqtisadi və sosial sahələrdə BMT-nin fəaliyyətinin ümumi sistemli əlaqələndirilməsində başlıca mexanizm kimi EKOSOS-un rolunun möhkəmləndirilməsinə, BMT ilə beynəlxalq maliyyə-iqtisadi təsisatlar, özəl sektor və vətəndaş cəmiyyəti arasında daha sıx əməkdaşlığın inkişafına, habelə fövqəladə humanitar yardımın və münaqişədən sonrakı dünya quruculuğunun daha böyük səmərəliliyinin təmin olunmasına yönəldilmiş konstruktiv xəttinin dünya birliyi tərəfindən tanınması deməkdir”.
Bölmənin digər xəbərləri
