Şərurda ağacəkmə kampaniyası davam edir
Şərur, 26 noyabr (AZƏRTAC). Ekologiya ili çərçivəsində Şərur rayonunda yeni meyvə bağı salınır. Bu məqsədlə ayrılmış 5 hektar ərazinin 2,5 hektarına 3.200 ədəd müxtəlif meyvə tingləri əkilmişdir. Keyfiyyətli çıxış alınması üçün əkilən tinglər operativ olaraq suvarılmışdır.
Naxçıvan Muxtar Respublikası Ekologiya və Təbii Sərvətlər Nazirliyindən AZƏRTAC-a bildirmişlər ki, dekabrın əvvəlinədək işlər yekunlaşdırılacaq və əraziyə 7 minədək meyvə tingi əkiləcəkdir.
Bundan başqa, payız mövsümü başlanandan indiyədək Naxçıvan-Sədərək maqistral yolunun Şərur rayonu ərazisindən keçən hissəsinin sağ və sol tərəflərində 1.300 meşə ağacı və 1.200 meyvə tingi əkilmişdir.
Bölmənin digər xəbərləri
