Türkiyə basketbol millisi Avropa çempionatında dördüncü qələbəsini qazanıb
Bakı, 1 sentyabr, AZƏRTAC
Kişi basketbolçuları arasında Avropa çempionatında IV turun oyunları davam edir.
AZƏRTAC xəbər verir ki, A qrupunda daha əvvəl 1\8 finala vəsiqəni təmin edən Türkiyə seçməsi Estoniya ilə qarşılaşıb. Görüş “ay-ulduzlular”ın 84:64 hesablı qələbəsi ilə yekunlaşıb.
Ergin Atamanın başçılıq etdiyi kollektiv bundan əvvəl Latviyanı 93:73, Çexiyanı 92:78 və Portuqaliyanı 95:54 hesabı ilə üstələyib.
Bu gün B qrupunda İsveç və Monteneqro yığmaları üz-üzə gəlib. Qarşılaşma Monteneqro millisinin qələbəsi ilə başa çatıb – 87:81.
Qeyd edək ki, Avropa çempionatına Kipr, Finlandiya, Polşa və Latviya ev sahibliyi edir. Turnirə sentyabrın 14-də yekun vurulacaq.
Bölmənin digər xəbərləri
