YAPONİYA HÖKUMƏTİ ZƏLZƏLƏ NƏTİCƏSİNDƏ EVSİZ QALMIŞ ADAMLARI AVTOMOBİLLƏRDƏ GECƏLƏMƏMƏYƏ ÇAĞIRIR

30.10.2004 [17:30]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Yaponiya hökuməti Niiqata prefekturasında ara verməyən zəlzələlər nəticəsində keçmiş, ya da zədələnmiş evlərinə qayıda bilməyən adamları avtomobillərində gecələməməyə çağırmışdır. Həkimlərin fikrincə, avtomobildə narahat vəziyyətdə yatmaq həm də “ekonomklass sindromu” adlanan dərin vena trombozu əmələ gətirir - belə hal təyyarə ilə uzun məsafə qət etdikdə və xeyli müddət ayağı uzatmağa imkan olmadıqa baş verir. Nəticədə venalarda qan hərəkətsiz qalır, bu da trombların yaranmasına gətirib çıxarır. İri tromblar isə ağ ciyər arteriyalarının tıxanmasına səbəb ola bilər.

Bu yaxınlarda Niiqata prefekturasında “ekonomklas sindromu” nəticəsində bir qadın ölmüşdür: o, uçmuş evinə qayıda bilməmiş və bir həftə öz maşınında gecələmişdi. Həmin qadın zəlzələnin 36-cı qurbanı kimi rəsmən qeydə alınmışdır.

Hazırda 84 minə yaxın adam öz evinə qayıda bilmir. Hökumət ictimai binalarda həmin adamlara sığınacaq versə də, onların çoxu çadırlarda və avtomobillərdə gecələyir. Hava şəraiti vəziyyəti daha da gərginləşdirir: son günlər havalar xeyli soyumuşdur, yağış yağır.

YAPONİYA HÖKUMƏTİ ZƏLZƏLƏ NƏTİCƏSİNDƏ EVSİZ QALMIŞ ADAMLARI AVTOMOBİLLƏRDƏ GECƏLƏMƏMƏYƏ ÇAĞIRIR

MÜƏLLİFLƏ ƏLAQƏ

Bölmənin digər xəbərləri