Yaşıllıqlar ekoloji vəziyyətin yaxşılaşdırılmasına zəmin yaradır
Bakı, 22 noyabr (AZƏRTAC). “Ekol Mühəndislik Xidmətləri” QSC-nin istehsalat sahələrində yaşıllaşdırma tədbirlərinin həyata keçirilməsi də daimi diqqət mərkəzindədir. Yeni yaşıllıq sahələrinin salınması, onlara aqrotexniki xidmət göstərilməsi məqsədi ilə təcrübəli mütəxəssislər, aqronomlar və bağbanlar bu işlərə cəlb olunmuşlar.
QSC-dən AZƏRTAC-a bildirmişlər ki, payız mövsümü ilə əlaqədar qurumun tullantıların emalı departamentinin 6-cı və 7-ci sahələrində, Zığ qəsəbəsi, Hövsan yolu ünvanında yerləşən qeyri-yaşayış sahəsində (A-4 qurğusu) və digər istehsalat sahələrində minlərlə ağac, gül və bəzək kolunun əkilməsinə başlanılmış və hazırda bu işlər davam etdirilməkdədir.
“Ekol Mühəndislik Xidmətləri” QSC istər layihə sahələrində, istərsə də istehsalat ərazilərində yaşıllıqların salınması və becərilməsi sahəsində təxirəsalınmaz tədbirlər həyata keçirməkdədir.
Bölmənin digər xəbərləri
